Éiríonn le Cur Chuige Mall agus Seasta an Rás a bhuachan do Choláiste Lorcáin tar éis dóibh gradam an eFlow STAR a bhaint amach ag Taispeántas Eolaí Óg agus Teicneolaíochta BT 2025
Rinne Taispeántas Eolaí Óg agus Teicneolaíochta BT, a reáchtáladh ag CRBÁC ón 8ú go dtí an 11ú Eanáir, 2025, ceiliúradh ar léiriú iontach airgtheachta, ina raibh daltaí ag cur tionscadail nuálacha na heolaíochta i láthair thar raon na ndisciplíní éagsúla.
Ar cheann de bhuaicphointí chomórtas na bliana seo, bhí bua Róisín O’Reilly, Akhila Thelakattu, agus Claire O’Sullivan ó Choláiste Lorcáin, Díseart Diarmada, Cill Dara, a bhain eFlow STAR (Gradam an Iompair agus an Aitheantais Inbhuanaithe) amach. Chuir a dtionscadal buaiteach, dar teideal “Educate to Decelerate” taighde ar fáil a chruthaíonn nach sábhálann tiomáint níos tapúla an oiread sin ama dúinn ach go méadaíonn sé an seans go mbeidh básanna ar na bóithre.
Rinne na daltaí ó Choláiste Lorcáin i gCill Dara taighde taiscéalaíoch agus cainníochtúil, ag scrúdú taighde a bhí ann cheana féin, ag déanamh suirbhé, agus ag déanamh anailíse ar na meáin. Bhí sé mar fheidhm ag a staidéar daoine a chur ar an eolas ina bpobal, go háirithe tiománaithe óga, nach sábhálann tiomáint róthapaidh an oiread sin ama dóibh, ach go méadaíonn sé an baol maidir le básanna ar na bóithre.
Tá Comórtas Eolaí Óg BT á urrú go bródúil ag eFlow, ag cur béime ar an ngealltanas atá aige do chothú an tallann san eolaíocht agus sa teicneolaíocht atá ag teacht chun cinn. Aithníonn gradam an eFlow STAR, a bronnadh ar Choláiste Lorcáin, sár-éacht sa taighde eolaíoch, sa nuálaíocht agus i dtionchar an phobail laistigh de réimse an iompair.
Dúirt Róisín Barton-Murray, Bainisteoir na Faisnéise Poiblí agus an Fhorfheidhmithe ag Bonneagar Iompair Éireann (BIÉ) a bhronn gradam an eFlow STAR ar na buaiteoirí thar ceann eFlow, “Táimid an-bhródúil as tacaíocht a thabhairt do Thaispeántas Eolaí Óg agus Teicneolaíochta BT agus tallann, cruthaitheacht agus díograis na ndaltaí a fheiceáil gach bliain. Tá fíoráthas ar BIÉ an deis a bheith aige infheistíocht a dhéanamh sa chéad ghlúin eile de dhaoine ar féidir leo fadhbanna a réiteach agus dul i ngleic le dúshláin ar nós sábháilteacht agus inbhuanaitheacht.”
Léirigh Darren McGivney, Ceannaire Margaíochta ag eFlow, bród mór as urraíocht a dhéanamh ar thionscnaimh ETIM, á rá, “tá bród ar eFlow urraíocht a dhéanamh ar Thaispeántas Eolaí Óg agus Teicneolaíochta BT don tríú bliain as a chéile agus táimid faoi gheasa gach bliain ag na smaointe nuálacha a chuireann na daltaí i láthair ar féidir leo tús a chur lena ngairm ETIM.”
Leanann Comórtas Eolaí Óg BT ag feidhmiú mar ardán do dhaltaí maidir le saincheisteanna an fhíorshaoil a fhiosrú agus le rannchuidiú bríoch a dhéanamh don phobal trí scrúdú na heolaíochta. Táimid ag tnúth le tacaíocht a thabhairt d’urraíocht BTYSTE an bhliain seo chugainn, ag cothú na nuálaíochta agus ag tabhairt spreagaidh don chéad ghlúin eile d’eolaithe.